Le Basicos

Que debe on facer pro esser un numinista?
On debe simplemente posseder le credentias commun exprimite in le CORDE, posseder un respecto pro le Virtutes, facer un essayo de viver per ille credentias commun, e appellar se un Numinista pro esser un numinista.

Que es le CORDES?
Le C(ommun) O(fficial) R(eligiose) D(eclaration) E(stablite) es un lista de 12 punctos de credentias commun que forma le fundation del Numinismo. Clicca ci pro leger le CORDE.

Que es iste virtutes?
Illos es un lista de 15 parolas latin que significa cosas tal como Equitate, Dignitate, Respectabilitate, Sanitate, Pace del Mente, etc. Clicca ci pro leger le Virtutes Numinista.

Proque debe io esser un numinista?
Ben, proque illo vos senti correcte. Nuministas possede le credentia que il ha un unitate basic al veritate e que nulle un religion sera correcte pro toto. Forsan Numinismo non es pro vos. Gratias pro leger le sito. Nos vos dice Bon Fortuna! Ma, forsan illo es pro vos. Si illo es, nos volerea audir de vos e nos sta preste de adjutar vos poner nostre credentias commun a in practica.

Io es un numinista. Que proxime?
Ora, vos face ille essayo honeste de viver per le principios que nos possede in commun. Vos pote facer isto como un solitario o vos pote cercar alteres qui volerea formar un communitate numinista in vostre localitate. Si vos es un numinista solitari, forsan vos considerea junger se le communitate que nos edifica in-linea. Scribe a nos pro apprender plus re isto. Si vos ha besonio de alicun ideas sur manieras de formar un communitate in vostre localitate, scribe a nos per e-mail. Nos pote discuter le methodos usate per alteres.

Qui o que adora nuministas?
Nuministas crede in le Unitate del Omne. Super toto il ha le UN o le OMNE. Tamen, proque iste OMNE es ultra le capacitate de exprimer in linguage comprender lo es difficile pro humanos. Dunque, nos reguarda lo que nos pote comprender. In iste mundo nos vide le faciettas myriade del OMNE functionante in le mundo. Iste poter mysteriose e magic se appella NUMEN. Illo es lo que le nuministas adora; ille poter mysteriose, magic e spiritual le qual es le OMNE. Pro comprender iste poter plus facilemente, nostre ancestres lo personificava. Dunque, le cosa basic ci es que nuministas adora le personification de Numen in su multe formas. A istos nos refere con le terminos Deas e Deos o divas and divos. On pote appellar lo per nomines roman, nomines grec, nomines nordic, nomines celtic, nomines indian, etc. le Numen sta sempre le mesme.

Como adora nuministas?
Il ha duo nivellos de adoration numinista: le nivello personal e le nivello del communal. Tote adoration numinista se designate a honorar le Divos e Divas e a honorar e reinfortiar le relationes que nos ha construite con Illes. Adoration personal es un cosa personal e le individuo pote disveloppar su proprie traditiones per sequer le recommendationes que le communitate numinista provide o per crear su proprie rituales e traditiones. Super toto, adoration numinista deberea esser significante e pertinente al devoto. On performa le adoration communal secundo le traditiones establite per le communitate numinista. Pro apprender plus de detalios de costumes spiritual numinista va ci.

Que es le rolo de magia?
On intende que le CORDE providera un ligamine laxe al centro de un communitate variate. Durante que le CORDE non abborda specificamente le question de magia, le uso de magia es certemente benvenite in un communitate numinista local. Nostre ancestres practicava divination, performava rituales pro ganiar favores del Divos e Divas, fabricava sortilegio pro parar spiritos malevolente, e projectar incantamentos pro varie rationes. Nuministas certemente ancora ha ille option. Justo como le Ancianos teneva alicun ritos public pro le communitate e reservava alicun ritos pro illos qui cerca un sapentia plus profunde, assi pote le skeleto de un communitate numinista permitte pro varie stratos de sapentia. Isto non es dicer que alicun sapentia deber celar se del massas, ma que alicun gente pote imbraciar numinismo de un desiro de honorar le Divas de Divos e non vermente ha un interesse in magia. Dunque, intra le communitate numinista il pote haber gruppos devotate al magia e gruppos que simplemente desira explorar lor devotion al Divin o lor amor del philosophia e cultura roman con alteres. Toto es equalmente valide e cata offere su sapentia al communitate; in le forma de classes, presentationes, ritos, etc.

Reguardante le studio de magia, il ha plure bon libros publicate que explica su functionamento. Un communitate numinista pote decider presentar classes super le basicos de magia pro assecurar que su gruppos internal usa le mesme terminologia o traditiones similar in lor exercitios magic. Ma isto es le decision del Familia...

Como se organisa le communitate numinists?
Le CORDE non establi un structura organisational official. Tote communitate es libere de poner su proprie regulas e disvelopar su proprie structura. Tamen, ecce un modelo possibile pro le structura del communitate.

Le communitate numinista in general consiste de gruppos e devotos solitari. Solitarios debe disvelopar lor proprie traditiones justo como gruppos debe disvelopar lor traditiones commun. In organisation del gruppo, il es importante memorar se que le CORDE admitte un credentia in principios democratic. Dunque, le gruppo debe certemente guardar iste credentia.

Un communitate numinista local es un gruppo autonome appellate un FAMILIA. Intra le Familia pote esser multiple GENTES (clanes), cata devotate a un Diva o Diva particular. Le function del Familia es provider un structura unificante intra le qual le Gentes pote functiona. Le Familia pote performar ritos connexe al unitate, tractar a questiones communal, tal como financias, ritos public, le comprar de proprietate, servicios extendite al communitate externe, tote questiones que involve le corpore numinista local integre. Isto, in general, pote prender le forma de honorar le Parentes Divin, qui nos guida per le cammino verso construer un communitate forte e adjutar lo disvelopar spiritualment per le reevelia del traditiones del focar Roman. Le dietates commun del communitate numinista es le Divos commun del Familia e Focar de Roma ancian, tal como Jano, le Lares, le Penates, Vesta, etc., e anque le Numina del Poteres Supreme de Natura, le Matre Terrestre e le Patre Celestial. Le Gentes sera gruppos devotate a patron dietates particular. Isto pote or non pote involver magia (illo es le decision del Gente individual). Le Patronos pote o non pote esser de origine roman. Memora te que le romanos ancian cercava le similaritates inter lor Divos e illos del gentes con que illes habeva contacto e pro isto acceptava tote Divos in lor religion.

Dunque, qui dirige iste Familias?
Idealmente, le Parentes Divin dirige le Familias. Plus practicamente, le membros del Familia dirigera le Familia, secundo principios democratic. Le membros establi le regulas e disveloppa le traditiones insimula, o per committee o per consenso. Ma nos recommenda que on nomina un moderator o facilitator qui survelia toto. Le termino pro "moderator" es Custode e ille es un respresentante del Parentes Divin.

Necessita io un nomine special?
Multe devotos a nove religiones desira adoptar un nove nomine como un symbolo del cambio profunde que ha occurreva in lor vitas. Isto non es un requirimento del numinismo, ma es certemente benvenite. Si on selige adoptar un nomine plus roman, nos provide le information sequente pro adjutar se in le selection de su nove nomine. Le numinismo ha nulle leaders spiritual autoritative qui da nomines a nove devotos e le adoption de un nomine "templar" es completemente le decision del individuo. Clicca ci pro apprender plus de seliger un nomine "templar".

In le cammino
Si on es de accordo que le CORDE e Virtutes pote formar un fundamento que pote functionar pro ille e on ha selegite un nomine roman e ha establite un larario, e ha comeniciate studiar e disveloppar su traditiones, on es ben establite in le cammino de esser un numinista.